उपत्यकाभित्र ड्युटीमा रहेका प्रहरीलाई घुस दिन खोज्ने १ सय १४ जनालाई प्रहरीले पक्राउ गरेको छ । पक्राउ पर्ने अधिकांश सवारी चालक छन् ।
महानगरीय प्रहरी कार्यालय रानीपोखरीको तथ्यांकअनुसार पक्राउ परेकाले प्रहरीलाई १० रुपैयाँदेखि ४ हजार ५ सय रुपैयाँसम्म घुस दिन खोजेका थिए । पछिल्लो ६ महिनामा ट्रिपर, बस, ट्रक, ट्याक्सी र बलेरोका गरी ९३ चालक र ६ जना सहचालक पक्राउ गरेका हुन् ।
घुस दिन खोज्दा १५ जना मोटरसाइकल चालक पनि पक्राउ परेको खबर टेकराज थामीको बाइलाइनमा बुधबारको नयाँ पत्रिका दैनिकमा प्रकाशित छ ।
