जानकी मन्दिरको नाममा नेपालमा रहेका जग्गा अतिक्रमणमा परेको घटना सार्वजनिक भएसँगै सो मन्दिरको नाममा भारतमा रहेको जग्गा समेत गायब भएको पाइएको छ ।
जानकी मन्दिरको नाममा भारतको मोहनपुरमा रहेको १५१ बिघा जग्गा गायब भएको प्रमाण प्राप्त भएको छ । तर, त्यो जग्गाको वस्तुस्थितिबारे सरोकारवाला सरकारी निकाय भने बेखबर छन् ।
सम्बन्धित निकायले छानबिन गरी यसको यथार्थता पत्ता लगाउन नसक्दा जग्गाको अवस्थाबारे पत्ता लाग्न नसकेको खबर केशवप्रसाद पाण्डेको बाइलाइनमा शनिबारको राजधानी दैनिकमा प्रकाशित छ ।
