नेपाललाई इन्डोप्यासिफिक रणनीतिमा आबद्ध गराउन प्रयासरत अमेरिकाले हालै सार्वजनिक एक रिपोर्टमा समेत ‘नेपालसँग रक्षा सम्बन्ध विस्तार गर्ने’ विषय समेटेको छ ।
अमेरिकाको रक्षा विभागद्वारा जारी सो रिपोर्टमा इन्डोप्यासिफिक रणनीतिअन्तर्गत नेपालसँगको रक्षा सम्बन्धलाई बढाउन खोजेको उल्लेख छ । अमेरिकाले मानवीय सहायता र विपद् व्यवस्थापन, शान्ति स्थापना, सुरक्षा व्यावसायीकरण, प्रतिविद्रोहलगायतका क्षेत्रमा नेपालसँग रक्षा सम्बन्ध सम्बन्ध विस्तार गर्ने जनाएको छ ।
नेपाल र अमेरिकाबीचको बढ्दो रक्षा साझेदारीका रुपमा सन् २०१८ को जुनमा आयोजित यूएस आर्मी प्यासिफिकको नेतृत्वको ‘ल्यान्ड फोर्स टक’ र नेपालसँग भएको उच्चस्तरीय सैन्य संवादलाई लिन सकिने रिपोर्टमा उल्लेख रहेको खबर वसन्त खड्काको बाइलाइनमा आइतबारको नागरिक दैनिकमा प्रकाशित छ ।
