गृहमन्त्री रामबहादुर थापा ‘बादल’ ले निर्मला पन्तको हत्यारालाई कानुनी कठघरामा ल्याउने प्रयास जारी रहेको बताएका छन् ।
प्रतिनिधिसभामा सांसदहरूको प्रश्नको उत्तर दिँदै गृहमन्त्री थापाले अझै पनि अपराधीको नजिक पुगेको भने संकेत भने गरेनन् ।
गत वर्ष साउन १० मा कञ्चनपुरकी १३ वर्षीया बालिका निर्मला पन्तको बलात्कारपछि हत्या भएको थियो । सुन तस्करी रोक्न एअरपोर्टमा तस्करको सञ्जाल तोडिएको पनि दाबी समेत गृहमन्त्रीले गरे ।
‘एअरपोर्टबाट अहिले अवैध सुन आएको छैन’– उनले भनेको खबर मंगलबारको नागरिक दैनिकमा प्रकाशित छ ।
