राजधानीसँग जोडिएका राजमार्गको सम्पर्क टुट्न नदिन नेपाली सेनाले चार स्थानमा एक्रोब्रिज तयारी हालतमा राखेको छ । प्राकृतिक प्रकोपका कारण राजमार्ग अवरुद्ध भएर राजधानीसँगको सम्पर्क टुट्ने स्थिति आए त्यसो हुन नदिन एक्रोबिज उपलब्ध गराइएको सेनाले जनाएको छ ।
विपद् व्यवस्थापनको पूर्वतयारीस्वरुप सेनाले पूर्व–पश्चिम राजमार्ग, पृथ्वी राजमार्ग र त्रिभुवन राजपथअन्तर्गतका ४ स्थानमा ६० मेट्रिक टनसम्मको भारबहन क्षमता रहेका चार वटा एक्रोब्रिज तयारी अवस्थामा राखेको छ ।
नेपाली सेनाका प्रवक्ता सहायक रथी विज्ञानदेव पाण्डेका अनुसार काठमाडौंको थानकोट, धादिङको बैरेनी, चितवनको भरतपुर र बाराको जितपुरमा ५.५ मिटर चौडाइ र ७६.२ मिटर लम्बाइका एक्रोब्रिज तयारी अवस्थामा राखिएको खबर मातृका दाहालको बाइलाइनमा बुधबारको नागरिक दैनिकमा प्रकाशित छ ।
