रोजगारीका क्रममा विदेशमा मृत्यु भएका नेपाली कामदारको परिवारलाई आर्थिक वर्ष २०७५–७६ मा राहतस्वरुप वैदेशिक रोजगार बोर्डले ४८ करोड ४९ लाख ४० हजार रुपैयाँ सहायता प्रदान गरेको छ ।
गतवर्ष वैदेशिक रोजगारीमा रहेका नेपालीमध्ये २३ महिलासहित ७ सय ५३ ले ज्यान गुमाएका थिए । बोर्डले करार अवधिमा नै मृत्यु भएका कामदारका परिवारलाई ७ लाख रुपैयाँका दरले आर्थिक सहायता प्रदान गर्ने गरेको छ ।
रोजगारीका क्रममा अंगभंग तथा बिरामी भएका ३ सय ३५ कामदारलाई एक वर्षमा ९ करोड १४ लाख १३ हजार ६ सय ९९ रुपैयाँ सहायता प्रदान गरिएको बोर्डले जनाएको खबर शुक्रबारको कान्तिपुर दैनिकमा प्रकाशित छ ।
