वीरगञ्जको पावरहाउस चोक नजिक रहेको जीएचपी स्कुल नामक निजी विद्यालयको होस्टलबाट १३ वर्षीय बालक अमितकुमार चौरसिया तीन दिनदेखि बेपत्ता भएका छन् । अमित कालिकामाई गाउँपालिका– २, पर्साकोका वडा अध्यक्ष भेडिहारी घर भएका सोनालाल चौरसियाका कान्छा छोरा हुन् ।
चौरसिया परिवार वीरगञ्ज महानगरपालिका– १३, तेजारथ टोलमा बस्दै आएको छ । उनीहरुले अमितलाई वैशाखदेखि जीएचपी स्कुलको होस्टलमा राखेका थिए । सो स्कुलमा कक्षा ६ को सेक्सन ‘बी’ मा अध्ययनरत अमित बिहीबारदेखि बेपत्ता भएको उनका काका पन्नालाल चौरसियाले बताए ।
अमित सम्पर्कबिहीन भएपछि अभिभावक चिन्तित भएका छन् । तीन दिन बितिसक्दा पनि कुनै सुइँको नपाएको बालकका काका पन्नालालले बताएको खबर सोमबारको नागरिक दैनिकमा प्रकाशित छ ।
