सङ्गीतबाट पनि रोगहरुको उपचार हुन्छ भन्ने सुन्दा कतिलाई त अनौठो लाग्न सक्छ । तर, यो अनौठो कुरा भने होइन । विश्वमा स्वास्थ्योपचारका विभिन्न पद्धतिमध्ये सङ्गीत चिकित्सा (म्युजिक थेरापी) पनि एक राम्रो माध्यम हो ।
यसले हाम्रो स्वास्थ्यमा मात्र नभई जीवनशैलीलाई नै आनन्ददायी र सुखमय बनाएर जीवनलाई सरल र स्वस्थ बनाउने आयुर्वेदाचार्य हेमकुमारी आचार्यले जानकारी दिइन् । ‘गन्धर्व वेदअनुसार सङ्गीतमा सात स्वर हुन्छन् । यिनै सात स्वरको सम्मिश्रणबाट सबै प्रकारका रागको निर्माण हुन्छ,’ उनले भनिन्– ‘यसबाट शरीर र मन स्वस्थ रहन्छ । यी सात स्वरमा सा, रे, ग, म, प, ध, नि पर्छन् ।’
संगीत चिकित्सासम्बन्धी यो खबर यलु जोशीको बाइलाइनमा शनिबारको गोरखापत्र दैनिकमा प्रकाशित छ ।
