पास भएका सवारी साधनलाई समेत सरकारले उपत्यका छिर्ने नाकाबाट फिर्ता गर्न थालेको छ । पास लिएकाहरुबाटै लकडाउन उल्लंघनका घटना वृद्धि भएपछि सरकारले चेकजाँचमा कडाइ गर्न थालेको हो ।
अब उपत्यका बाहिरबाट आउनेले अत्यावश्यक कामबाहेक पास भएर पनि प्रवेश पाउने छैनन् । प्रहरी प्रशासनले बुधबारदेखि पास भएकालाई समेत अत्यावश्यक कामबाहेक प्रवेशमा रोक लगाउन थालेको हो ।
बाहिरी जिल्लाबाट काठमाडौं उपत्यका भित्रनेहरुले अत्यावश्यक काममा मात्र प्रवेश पाउने प्रहरीले जनाएको खबर टेनिस रोकाको बाइलाइनमा बिहीबारको राजधानी दैनिकमा प्रकाशित छ ।
